RONSEL DO CAMPUS

ASAC Galicia organiza o Programa de Enriquecemento Extracurricular Ronsel do Campus, baseado no modelo SEM do Doutor en Psicoloxía Joseph Renzulli, seguindo a metodoloxía dos “clusters”: grupos de traballo de enriquecemento con temáticas variadas guiados por expertos nas materias correspondentes. Ronsel do Campus foi creado pola doutora Carmen Pomar Tojo, profesora do Departamento de Psicoloxía Evolutiva e da Educación da Universidade de Santiago de Compostela.

A dirección, deseño e coordinación de Ronsel do Campus corre a cargo de Latento, segundo o acordo de colaboración firmado con esta entidade, a través dun equipo de psicólogos expertos en altas capacidades vinculados laboralmente a ASAC Galicia.

Actualmente, a dirección do programa recae na psicóloga Miriam Fernández Barreiros. Licenciada en Psicoloxía, Diplomada en Estudos Avanzados, Desarrollo, Familia, Educación e Intervención e experta universitaria en diagnóstico e educación dos alumnos con alta capacidade, Miriam Fernández participou como relatora en diversos congresos nacionais e internacionais, e tamén foi relatora en xornadas e cursos de formación específicos para profesorado. Dende 2007 forma parte da Unidade de Atención Educativa en Altas Capacidades da Universidade de Santiago de Compostela e dende 2013 foi a responsable da Área de Identificación e Detección.

O programa Ronsel do Campus está organizado en varios niveis, segundo a idade dos nenos. En cada nivel ofrécense diferentes talleres de índole artística, científica ou tecnolóxica, do que cada neno elixirá o que mellor encaixe cos seus intereses.

Por outra banda, cada nivel conta cun supervisor que presta apoio aos monitores que imparten os obradoiros, velando por dar resposta as necesidades individuais dos nenos e nenas dos diferentes grupos, en aras de conseguir o desenvolvemento integral de todos eles.

O curso divídese en dous cuadrimestres: un de outubro a febreiro e outro de febreiro a xuño.

Os obradoiros lévanse a cabo cunha periodicidade quincenal, fixándose o calendario dos mesmos ao principio de cada cuadrimestre, nas Facultade de Psicoloxía, Dereito e Ciencias da Comunicación da Universidade de Santiago de Compostela.

Este ano, dado que a situación por mor da COVID-19 impide levar a cabo actividades presenciais coas debidas garantías sanitarias, desenvolverase unha edición virtual de Ronsel do Campus, denominada Enriquécete na nube! A selección temática dos talleres fíxose segundo as preferencias mostradas polos nenos e nenas participantes e será a seguinte: música, primatoloxía, desenvolvemento socioemocional, escritura creativa, zooloxía, artesanía, matemáticas, teatro, arte, radio, arquitectura, ciencia, deseño e construción, debate, fotografía e deseño de produto.

Tódolos talleres foron redeseñados para que a súa virtualidade non afecte á calidade dos mesmos. Polo mesmo motivo, foi adaptada a duración e o número máximo de asistentes aos mesmos.

As datas de celebración dos talleres do primeiro cuadrimestre do curso 2024/2025 son as seguintes.

Para participar nos obradoiros é necesario ser socio de ASAC Galicia. Se estás interesado, podes visitar o apartado Únete da web.

---