Detalle noticia

Volver atrás

17 MAR de 2025

Premio de Investigación en Altas Capacidades ASAC Galicia 2025

Premio de Investigación en Altas Capacidades ASAC Galicia 2025

Desde a Asociación de Altas Capacidades de Galicia (ASAC Galicia), anunciamos a convocatoria do Premio de Investigación en Altas Capacidades ASAC Galicia 2025, unha iniciativa coa que buscamos promover, fomentar e recoñecer o traballo de investigación sobre as altas capacidades intelectuais.

O noso obxectivo
Con este premio, queremos dar visibilidade e recoñecer publicamente as investigacións de calidade neste eido, incentivando o seu impacto na sociedade e na comunidade educativa.

A quen vai dirixido?
Diriximos este premio a traballos inéditos, orixinais e de rigor científico, realizados en universidades galegas entre os cursos 2020-21 e 2023-24. Poden presentarse Traballos de Fin de Grao (TFG), Traballos de Fin de Máster (TFM) e Teses Doutorais que traten sobre altas capacidades intelectuais.

Dotación e recoñecemento
O premio conta cunha dotación de 1.000 € para a persoa gañadora. Ademais, poderemos conceder accésits sen dotación económica a traballos destacados pola súa calidade e relevancia.

Criterios de avaliación
Os traballos serán avaliados por unha Comisión de Selección composta por expertos no ámbito das altas capacidades intelectuais. Valoraremos:
·         Novidade, calidade e relevancia da investigación.
·         Impacto social do problema estudado.
·         Rigor metodolóxico e profundidade de análise.
·         Potencial de aplicación práctica.

Prazos e forma de presentación
O prazo de presentación de candidaturas remata o 30 de setembro de 2025. Para participar, as persoas interesadas deben enviar a súa solicitude e documentación ao correo info@altascapacidadesgalicia.org.

Publicación e difusión
O traballo gañador será publicado e difundido por ASAC Galicia, contribuíndo así á sensibilización e divulgación das altas capacidades intelectuais. Podedes atopar máis información e consultar as bases completas en www.altascapacidadesgalicia.org.

Animámosvos a participar!

Noticia general
Noticias ASAC Galicia
431 veces lérona

Documentos:

Premio de Investigación en Altas Capacidades ASAC Galicia 2025