Detalle noticia

Volver atrás

15 MAR de 2020

Comunicado importante

Atendendo ás instrucións da Xunta de Galicia, temos que pospoñer a realización da Asemblea de ASAC Galicia.

Comunicado da ASAC Galicia

Hoxe xoves día 12 de marzo de 2020, en relación coa posta en marcha de novas actuacións centradas na prevención para conter o contaxio do coronavirus no eido educativo, o Presidente da Xunta de Galicia ?anunciou a suspensión das actividades lectivas e extraescolares en todos os niveis educativos, a partir do vindeiro luns [día 16 de marzo] e durante 14 días?. E completábase a información coas seguintes medidas: ?no tocante a outras actividades, o responsable do Goberno galego anunciou novas limitacións de aforo: en recintos pechados con capacidade para máis de 50 persoas, limitarase a asistencia a un terzo do aforo.? Pódese consultar a información completa neste enlace: https://www.xunta.gal/notas-de-prensa/-/nova/47969/feijoo-avanza-posta-marcha-novas-actuacions-centradas-prevencion-para-conter 

Informamos de que en datas anteriores producíronse varias dimisións na Xunta Directiva de ASAC Galicia. Ante esta situación, en reunión urxente da Xunta Directiva celebrada o martes 10 de marzo de 2020, acordouse que as tres persoas que forman a Xunta Directiva neste momento asuman os cargos de Presidente, Secretaria e Tesoureiro en funcións. 

A nosa intención era convocar aos socios de ASAC Galicia a unha Asemblea Extraordinaria o sábado 28 de marzo de 2020 coa seguinte orde do día: 

1.- Convocatoria de Eleccións ASAC Galicia 2020. 
2.- Renovación de cargos na Xunta Directiva para a preparación do proceso electoral.

Pero ante as novas destes días, e atendendo ás instrucións da Xunta de Galicia, temos que descartar esta opción e pospoñer a realización desta Asemblea de ASAC Galicia. Á espera dos cambios oportunos que permitan a realización de reunións cun aforo axeitado, e coa intención de continuar có traballo en ASAC Galicia, a actual Xunta Directiva acordou invitar mediante este comunicado a todos aqueles socios/as de ASAC Galicia que queiran incorporarse á realización de tarefas de xestión da asociación. Para o cal deberedes enviar un mail á seguinte dirección de correo electrónico indicando o nome e apelidos, número de socio/DNI, teléfono de contacto e a área específica na que poderíades axudar: info@altascapacidadesgalicia.org 

Atentamente,

A Xunta Directiva de ASAC Galicia

Noticia general
Noticias ASAC Galicia
1062 veces lérona

Documentos:

Comunicado importante para socios