ASAC desenvolve iniciativas encamiñadas a conseguir os fins da asociación, que non son outros máis que apoiar ás persoas con AACC e ás súas familias, reivindicar os seus dereitos e favorecer a súa integración social e a igualdade de oportunidades.

Neste sentido, leva a cabo accións como as seguintes:

• Campañas de sensibilización das altas capacidades como necesidade específica de apoio educativo.
• Campañas de promoción dunha visión das altas capacidades afastadas dos estereotipos sobre este colectivo e baseada na evidencia científica.
• Cooperación con organismos e entidades para conseguir unha atención especializada para as altas capacidades no marco escolar e extraescolar.
• Fomento da converxencia asociativa con outras entidades coas que se poidan levar a cabo accións conxuntas a prol da atención á diversidade.
• Asesoramento ás familias con nenos con altas capacidades e aos profesionais e entidades involucradas na súa atención.
• Formación para toda a comunidade educativa e para todos os colectivos implicados, directa ou indirectamente, en detectar, identificar e atender aos nenos con altas capacidades.
• Fomento da investigación universitaria e científica en torno ás altas capacidades.