Detalle noticia

Volver atrás

23 JUN de 2018

MESA DE TRABALLO POLA ESCOLA INCLUSIVA

ASAC - Consellería de Educación: Na procura do Protocolo AACC

En marzo ASAC Galicia reuniuse coa Consellería de Educación e con representantes de entidades que dedican todo o seu esforzo a crear unha sociedade máis inclusiva. No marco do compromiso da Consellería coa atención á diversidade do alumnado galego, o Conselleiro comprometeuse a preparar novos protocolos -concretamente un adicado ás altas capacidades. Na reunión tamén se propuxo a creación dunha materia de libre configuración autonómica baixo o nome de Sociedade inclusiva para 1º e 2º da ESO, ademais da convocatoria dun premio dirixido a centros educativos para o recoñecemento das boas prácticas en materia de educación inclusiva. O obxectivo é sensibilizar á comunidade educativa na necesidade de seguir facendo avances na construción dunha escola inclusiva que poña en valor as diferenzas.
A formación do profesorado, o asesoramento e orientación e a sensibilización son as bases para acadar novos fitos neste camiño que só se poden conseguir traballando da man de entidades como as que participaron neste encontro.

Noticia general
Incidencia Organismos
1195 veces lérona